企業網站該用 Wix、WordPress還是客製化設計？

喺呢個數碼時代，網站唔止係一張電子名片，仲係品牌形象同業務增長嘅重要推手。一個設計得好、平台揀得啱嘅網站，可以幫企業提升搜尋引擎排名、建立信任感，甚至直接帶動生意。

對企業嚟講，究竟應該用 WordPress、Wix，定係搵專業團隊做一個度身訂造嘅網站？以下我哋會由使用需求、預算考慮、未來擴展彈性三方面深入分析，幫你揾出最啱你公司嘅選擇。

WordPress vs Wix vs 客製化設計一覽比較表

Wix

開發簡單，但彈性有限，適合小型品牌短期使用

如果你係創業初期，預算有限，只需要一個簡單展示型網站，Wix 的確係一個快捷方便嘅入門選擇。佢有拖拉式操作介面、即時預覽、預設模板多，唔識編程都可以快速出到網。

不過，Wix 嘅局限都幾明顯，功能彈性低、SEO 表現一般、擴充困難，而且想轉去其他平台會好麻煩。對於有中長線發展計劃嘅公司，就未必夠用。

WordPress

功能強大，性價比高，適合大部分企業

WordPress 係全球最多人用嘅 CMS 系統，適合中小企業以至大型機構使用。我哋建議大部分公司使用 WordPress，原因如下：

• 有數萬個免費/付費插件，功能可以隨時擴展
• SEO 表現出色，可配合 Yoast、RankMath 等工具提升自然流量
• 容易維護，技術支援資源豐富
• 搭配 WooCommerce 可以發展網店
• 可配合我哋公司設計及技術支援，打造專業品牌形象網站
  
  
  Bricks 是wordpress 的Visual Builder Plugin, 方便使用者可以用Drag and Drop 的方式來為網頁排版

如果你而家用緊 Wix，但發覺功能唔夠用，轉去 WordPress 通常都會有明顯提升，特別係 SEO 效果同網站速度方面。

客製化網頁設計

打造專屬品牌體驗，全面升級專業形象

如果你嘅品牌形象要求高、對網站效能有追求，甚至需要特殊功能或流程，咁搵團隊度身設計網站會係一個更好選擇。

客製化網站設計有咩好處？

• 完全自定架構、設計風格、功能流程
• 效能優化，載入快又安全
• 專屬 UI/UX 設計，提高用戶體驗同轉換率
• 可配合品牌定位，建立獨一無二嘅專業感

雖然開發時間會耐啲，成本亦會高啲，但對於中大型企業或者講求品牌價值嘅初創，係一個長遠投資，回報更可觀。

Dhost Interactive 點雅互動點樣幫企業揀出最啱嘅網站方案？

唔同公司有唔同需要，我哋會因應以下幾個因素，提供最適合你業務發展方向嘅建議：

• 預算多寡
• 功能需求
• 品牌定位
• 發展目標與時間表

我們提供：

✅ WordPress 建站 + 網頁設計服務
✅ 高階客製化網頁設計及系統開發
✅ 長期網站維護與 SEO 優化

一個好網站，唔單止要好睇，更要符合你品牌嘅實際需要。如果你而家正考慮整新網站、重設網站，又或者諗緊 Wix、WordPress 邊個好，歡迎搵我哋免費諮詢，幫你評估最啱你情況嘅方案。